№26 С.Датов атындағы орта мектепте 28 қараша күні «Жаңаша оқытуға- жаңаша көзқарас» тақырыбында мектепішілік семинар өтті.

Семинардың мақсаты: Жаңартылған білім беру мазмұны жағдайында оқу процесін ұйымдастыру мәселелері бойынша ақпарат беру және тілдің үштұғырлығын жүзеге асыру мақсатында  педагогикалық тәжірибені жетілдіру, пән мұғалімдерінің өзара тәжірибе алмасуын қамтамасыз ету.

Күтілетін нәтиже: Мұғалімдер тәжірибе алмасады, ой бөліседі.

Семинар барысында пән мұғалімдері ашық сабақтар өткізді.  Облыстық білім беру басқармасының әдістемелік орталығының ұйымдастыруымен  «Критериалды бағалау-оқушы білімін нақты бағалау» тақырыбындағы Н.Ә.Назарбаев зияткерлік мектебімен бірлескен семинарда және 4 қазанда өткен  «Жаңашыл білімге-жаңашыл мұғалім» тақырыбындағы  облыстық форумда сабақ берген математика пән мұғалімі Тажиева Маншук пен дене тәрбиесі пән мұғалімі Ашиков Роман өз тәжірибелерімен бөлісті.

«Team-teacher» әдісімен   математика пәнінен  тәжірибелі пән мұғалімі Тажиева Маншук пен жас маман Жасмағанбетова Фарузамен 5-сыныпқа «Бөлімдері әртүрлі аралас сандарды қосу және азайту» тақырыбында бірлескен сабақ өткізсе, биология пәнінен жаратылыстану бағытында ағылшын тілінде 9 ай курстан өткен Жолдығалиева Айгүл мен Джумагалиева Алмагүл 8-сыныпқа «Қан топтары» тақырыбында, дене тәрбиесі пәнінен Ашиков Роман мен Салменов Берік 6-сыныпқа «Топтық жиынтық» тақырыбында бірлескен сабақтар өткізді. Бастауыш сынып мұғалімдері  Жұмалина Гүлмира 4-сыныпқа «Есепті теңдеу құру арқылы шығару», Құрасова Гүлшат 2-сыныпқа «Лепті сөйлем», Имашова Алмагүл 2-сыныпқа «Қартқожаның туған жері» тақырыбында ашық сабақтар берді.

Семинар өз мақсатына жетті. Пән мұғалімдері белсенді оқу әдістерін ұтымды қолдану арқылы оқу мақсаттарының орындалуына қол жеткізді.